Keşîşê Dêrê Morî Yakupî yo suryanî Sefer (Aho) Bileçeno ke Nisêbînê Mêrdinî de amebi destbenkderdene, bi îdîaya ‘paştdayîş û endamîya rêxistine‘ ame tepiştene

Taxanê Marînê, Xarabalê û Sêderîyê yê qezaya Nisêbînî ya Mêrdînî de Keşîşê Dêrê Mor Yakupî yo suryanî Sefer (Aho) Bileçen zî tede 10 kesî ameybî destbendkerdene. Keşîş Bileçen û hîrê kesê bînî ewro vejîyayî mehkeme. Keşîş Bileçen îdîaya ‘paştdayîş û endamîya rêxistine‘ ame tepiştene. Hîrê kesê bînî bi şertê kontrolê edlîyî serbest ameyî veradayene.

Ame zanayene ke derheqê keşîşî de  îfadeyê îtîrafkerêk esto  û leşkeran îdîa kerd ke serra 2018î de ‘endamê rêxistene kewtî manastir‘ û fotografê ci estê. La rixmo ke avûkatan waşt ke bivînê, fotografê ke  gala ci yena kerdene nêameyî ramojnayene.