Emîne Şenyaşara ke mêrde û di lajê ci hetê pawitox û merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde verê Edlîyeyê Riha de 16 rojî yo çalakîya 'nobeta edaletî' rê dewam kena.

Keyeyê Şenyaşar ewro zî pê dowîzanê bi nuşteyê 'Ma edalet wazenê', 'Seba domananê mi edalet', 'Ez seba mêrde û domananê xo edalet wazena' verê edlîyeyî de ronişenê.

Ewro Dîlane Îzol keyeyê Şenyaşar zîyaret kerdç Taxa Çeltîkî ya qezaya Sêwrege ya Riha de 15ê hezîrana 2019î de laj û birayanê wekîlê verênî yê AKPyî Zulfukar Îzolî hêrişê dadî, babî, naje û dezayanê Dîlane Îzol kerdbi. Dîlane Îzol Emîne Şenyaşar reyde qisey kerd û paştî daye nobeta edaletî ya keyeyê Şenyaşarî.

Emîne Şenyaşar ard ziwan ke ê do bi qerardarî çalakîya xo rê dewam bikerê û vat: ''No sîstem wina nêşino. Erey yan zî rew edalet qetî do bêro ca.''