Gerîlayê HPGyî Hebûn Kardaş operayonê artêşa tirke yê vera Licê de şehîd bibi. Cenazaya gerîla Hebûn Kardaşî morgê Nêweşxaneyê Cigêrayîş û Perwerdeyî yê Gazî Yaşargîlî yê Amedî de yena tepiştene. Keyeyê Kardaşî şi nêweşxane û cenazaya Kardaşî teşhîs kerde.

Keyeyî rê ke pabeyê destûrê serdozgerîye bîyêne ame vatene ke ganî ê Nêweşxaneyê Zanîngehê Dîcle de nûmuneyê gonî bidê. Keye şi Nêweşxaneyê Zanîngehî û uca de saetêk vindert. Dima keyeyî rê pê rayîrê telefonî ame vatene ke xeletîyêke bîya û ganî ê Nêweşxaneyê Genesîsî de gonî bidê. Heman rewşe wexto ke keye Nêweşxaneyê Genesîsî de vindertêne qewimîyaye û keye açarîya Nêweşxaneyê Cigêrayîş û Perwerdeyî yê Gazî Yaşargîlî. Keye tîya de zî xeylêk vindert û seba testê DNA nûmuneyê gonî da. Leşkeran keyeyê Kardaşî rê vat ke mabênê 15-20 rojan de netîce do eşkera biba.

Hetê bînî ra ame zanayene ke Ferhat Onkolo ke amebi destbendkerdene hema zî Licê de qereqol de yeno tepiştene.