Goreyê xebera Ajansê Mezopotamya (MA) keyeyê hemşaredarê verênî yê Şemzînanî Seferî Yilmazî de cîhazê qeydî yo nimite ame dîyene. Serra 2005î de zî hêzanê dewlete hêrişê Kitabxaneyê Umutî kerdbi ke aîdê Seferî Yilmazî yo. Keyeyî wexto ke cîhaz tira kerd pê hesîya ke hema zî xebitîyeno û tede kamera zî esta.

Yilmazî derheqê babete de vat: ''Verê cû FETOyî wina kerdêne nika AKP keno. Ez do peyê na mesele war nêverda. Ez pabeyê paştdayîşê muxalefetî û rêxistinanê komelê sivîlî ya. Ez do muracatê serdozgerîye bikera û gerre bikera.''

Endamê Meclîsê Partîya Herêman ê Demokratîkan (DBP) Bekîr Karageçîlîyî zî qezaya Sêwregî ya Riha de nêzdîyê keyeyê xo de kamerayêke dibi.