Keyeyê Zaynal Abarakovî yo ke sey  berpirsîyarê  vînîbîyayîşê Gulîstane Doku ya ke 5ê çeleyî ra tira xebere nîna girewtene yeno zanayene waşt ke Dêrsimî ra biremo la keyeyê Gulîstane nêrazîbîyayîş ramojna û vat şima nê şertan de nêeşkenê şirê.

Merdimanê Gulîstane ke  eşnawit Keyeyê Zaynal Abarovokî keyeyê xo bar keno  şîyê verê bêrê înan  û vat Gulîstane merde, şima nêeşkenê şirê cayêk û waşt ke ê çek-çuwelê xo  wesayîtê naqlîye yê mabênê bajaran ra peyser bîyarî war. Naye ser ra wesayîtê naqlîye kar caverda. Dima ra polîsan mudaxale kerd. Waya Gulîstane Aygule Doku  vera polîsan hersê xo ard ziwan û vat: ''Şima Gulîstana mi nêdî, qey şima polîs nîyê?'' dima ra Dokuya ke  krîzê sînîrî ravêrna û bi ambulans ameye berdene nêweşxane.