Dêrsim: Keyeyêk wayîrê wendekara ke teber de mende vejîya

Dêrsim de meseleya cayê mendişî ya wendekaran dewam kena. Wendekare Meleke Sevînça ke sey meymane wargehê wendekaran de mendêne tira ameye vetene. Keyeyêko dêrsimij wayîrê wendekare vejîya.

Dêrsim de meseleya cayê mendişî ya wendekaran dewam kena. Şaristan de hema hema 7 hezar wendekarî estê la têna 3 wargehê dezgehê dewlete (KYK) estê. Kapasîteya wargehê KYKyî yê cinîyan 1200 a, yê lajan zî 400 a.

Tay wendekarê ke wargehan de sey meymane mendêne pê ameyîşê wendekaranê esîlan wargehan ra ameyî vetene. Nînan ra yewe zî Meleke Sevînç a. Keyeyêko dêrsimij wayîrê wendekare Meleke vejîya.

Meleke Sevînç qala mesele kerde û vat: ''Rewşa mi reyna hol a, tay embazî  camîyan de nêweşxaneyan de manenê. Embazêka mi babîyê ci mutehîd o la ci rê KYK vejîya. La embazê ke babîyê înan bêkar ê înan rê KYK nêvejîya. Selahîyetdarî vabê 'Xo rê bigêrê keyeyêk.' La eke ma zanîngehan de wanenê ganî wargehî zî bidîyê ma. Kîrayî zaf vay ê, apartî zî nênê dayene wendekaran. Wexto ke danê zî kîrayê 6 aşman wazenê.''

Wendekar Erdme Okano ke destpêkerdişê zanîngehî ra nata gêreno keye vat: ''Wayîrê keyeyan banê xo nêdanê wendekaran. Mi rê wargehê KYKyî zî nêvejîyayo. Ma teber de rezîl benê.''

Yuusf Guzelturko ke wargeh de maneno pare kerd ke xeylêk embazê ci teber de mendî û semedê vaya zêde ya kîrayan ra ê nêeşkenê keyeyan kîra bikerê. 

Wendekar Okan Çelîkî vat: ''Servîsî, kincî, kîrayî vay ê. No zî probelemê ma yo bîn o. La zanîngehî qetî nê meseleyan çareser nêkenê.''