Koordînasyonê KJK’yî bi wesîleya serrgêra Hemleya 15’ê Tebexe eşkerayîyêka nuştekîye daye û nê vatî:

‘’Gama verêne û guleyo verêno ke Fermandarê Girdî hemra Egîdî 15’ê Tebexe de eştî, ewro bi girdbîyayîşê mucadeleyî çar parçeyanê Kurdistanî de vila bîyî. Ma nika her wextî ra zafêr serkewtişî rê nêzdî yê. Hemleya 15’ê Tebaxe, hemleya azadîye ya cinîyan û şaranê bindestan a. Na çarçewe de Roşanê 15’ê Tebaxe cinîyan û heme şaran rê pîroz bo.

Hemleya 15’ê Tebaxe Rojakewtêna Mîyanêne Roşt Kerde

Rojanê ke estbîyayîşê şarê ma ameyêne munaqaşakerdene ra ma ameyî rojanê ke welatê ma de estbîyayîşê kolonyalîzmî yeno munaqaşakerdene.Hemleya 15’ê Tebaxe Rojakewtêna Mîyanêne Roşt Kerde  Egîdan ra heta, Zîlanan, Mazlûman, Kemal Pîran, Hakî Kareran, Delalan, Atakanan, Medya Mawayan, Armancan, Helmetan yê ke bi keda xo raştîya fedaîyîye ya ma aferna ewro Rojawan ra heta Şengalî, Botan ra heta  Dêrsimî û Bradost ra heta Deryaya Sîya derbeyanê girdan danê kolonyalîzmî ro. Hêzanê modernîteyê kapîtalîstî bi waştişê tasfîyekerdişê têgêrayîşê ma yo ke sosyalîzmê seserr a 21’ine temsîl keno hêzê hemkarî fînayî dewre. Konseptê îmhayî tena vera Wareyê Pawitişî yê Medya nêyo. Dîktatorîya AKP-MHP’yî dişmeya cinî, Kurd û şaran kena. Çar leteyanê Kurdistanî de îşxal xorî kerdo. Şarê ma rayberîya  Rayber Apo û têgêrayîşê ma de mucadeleyê şerê şorişgêrî yê şarî dano û vera îşxalî xo paweno. Başûrê Kurdistanî de çend îxanet esto hende zî xeta Vîyan Soranan û Helmetan esta. 15’ Tebaxe newe ra ganîbîyayîş û xoverdayîşê  cinî, ciwanîye Kurdistanî û Kurdê ke ameyîşî merhaleya çîbîyayîşî yo. Destpêkerdişê mucadeleyê ma yê azadîya cinîye de role 15’ê Tebaxe gird o. Şarê Kurdî û cinîyî bi îradeyê girdî mucadeleyê azadîye rayra benê. Rayberîya cinîyan û ciwanan de do serkewtiş ê şarê Kurdî bo. Rayberê ma do azad bo û cuya azade newe ra bêro înşakerdene. Roşanê Ganîbîyayîşî ye 15’ê Tebaxe heme şaranê bindestan  rê pîroz bo. Ma do tecrîdî bi îradeyê cinîyan ê rêxistinkerdeyî bişiknê û Rayber Apoyî azad bikerê.’’