Koordînasyonê KJKyî derheqê hêrişanê dorme û vera Rojawanî de eşkerayîyêke daye. Eşkerayîye wina ya:

''Şerê Dinya yo 3. Rojhelatê Mîyanênî de qewimîyeno. Aseno ke şerê Îsraîl-Hamasî û Îsraîl-Hîzbullahî derbazê Sûrîye û Iraqî benê. Hêzê hegemonîkî seba menfaetanê xo şerî xorin kenê. Netîceyê ney de hêrişê vera Sûrîye nê rojan de dest pêkerd.

Cerganê temsîlkaranê DAÎŞ, El Qaîde, selefîst û cîhadîstan vera Rojawan û Helebî hêrişê neweyî yê îşxalî dayî destpêkerdene. Eşkera yo ke peyê nê hêrişan de dewleta tirke est a. Aktorê nê şerî yo verên dewleta tirke yo. Xora dewleta tirke wextêkî ra nata perwerdeyî dayêne nê vergan û planê îşxalî yê neweyî ser o xebitîyayêne.

Nê hêrişan û şeran de hêverî cinî û domanî yenê qetilkerdene. Nê hêz û mezgê selefî-cîhadîstî seba ke bieşkê ancî cinîyan kole bikerê û bireşê têgêrenê. Cinîyî sey ê DAÎŞî hêrişanê neweyan de têrî yê. Nê selefîyî nêwazenê ke na cografya de serkêşî û azadîya cinîyan est nê.

Sey Têgêrayîşê Cinîyan ê Azadan ê Kurdîstanî ma ancî vanê ke no feraseto tarî do bin bikewo. Ma do tarîtîya serdestîya camêrdan çin bikerê. Ma venga pêro cinîyan danê ke verî ke erey bibo bi tesîrî têbigêrê, têkoşînî berz bikerê û paştî bidê têkoşînê Rojawanî. Vera barbarîya tarîye ma bi xurtî pawitişê xo zixm bikerê. Pêro şarê ke Rojawanî de ciwîyenê ganî xo rêxistin bikerê û xoverdayîşî bivejê asta berze. Bi ruhê Şorişê Rojawanî ma têkoşînê xopawitişî vejê asra tewr berze. Ma venga şaranê Rojawanî danê ke nê rojanê tarîxîyan de destkewteyanê xo bipawê. Roje a roj a ke raştîya xoverdayîş û têkoşînî biresa asta tewr berze. Nê rojan de ke seba Rojhelatê Mîyanênî saetêke zî girîng a, ganî ma bi xurtî xo ver bidê û ser bikewê.

Kurdê herême hêrişanê dewleta tirke ya faşîste de têrî benê. Sey serra 2014î ma ganî wurzê payan ser û têkoşînî pêro Kurdîstan û dinya rê vila bikerê. Ganî her cayê Kurdîstanî û teberê welatî de şarê ma erey nêmano. Pêro dost, hêzanê îtîfaqî, çepgîr, sosyalîst, şorişgêr û antîkapîtalîstan wa roşnîya Kurdîstanî tarî nêkerê. Bêguman na tarîtîye do biba tarîtîya pêro cinî û şaran. Seba ney zî ma venga her kesî danê ke wayîrê ameyoxê ma yê roşnîbîyayeyî vejîyê.''