Koordînasyonê KJKyî derheqê hêrişê dewleta tirke yê vera Qamişloyî de eşkerayîyêke daye. KJKyî Yusuf, Muhammed û Mazlûm Gulo yad kerdî û merdimanê ci û şarê kurdî rê serweşîye waşte.

KJKyî vat: ''Îqtîdarê AKP-MHPyî yo ke tengayîya tewr pîle ya tarîxê dewleta tirke anceno, seba ke estbîyayîşê xo bido domnayene qirkerdişan keno. Nê îqtîdarî estbîyayîşê xo îmhakerdişê şarê kurdî û têkoşînê ci yê azadîye rê girêdayo. Dewleta tirke vera xoverdayîşê rêxistinkerdeyî yê şarê kurdî û  vera xoverdayîşê tarîxî yê gerîlayanê azadîye nêeşkena aver şiro. Coka çekanê kîmyewîyan şuxulnena. Hêrişê vera keyeyê Guloyî zî na çareçewe de ame kerdene. Netîceya hêrişî de welatperwerê ma yo erjîyaye Apê Yusuf û tornê ci Muhammed û Mazlûm pê hêrişê hewayî ameyî şehîdkerdene.

Dewleta tirke pê nê hêrişî reyna ramojna ke sûcê şerî kena. Teberê sînorê xo de Rojwan de şarê ma yê sîvîl qetil kena. No hêrişê teberê merdimîye yo ke hem huqûqê şerî hem huqûqê mîyanneteweyî binpay keno. No sûcê şerî yo. Warê hewayî yo ke qaçîko binê kontrolê dewletanê garantoran de yo de hêriş ame kerdene. Coka ê dewlete zî hemkarê sûcê dewleta tirke yê. 

Serkêşîya Apê Yusufî de hedefgirewtişê keyeyê Guloyî tesaduf nîyo. Kurdîya welatperwer a birûmete ya ke semedê azadîye qerardar têkoşîn kena yena hedefgirewtene. Senî ke vizêr Şingal de keyeyê Saîd Hesenî ame hedefgirewtene Rojawan de zî keyeyê Guloyî ame hedefgirewtene. Zîhnîyeto faşîst o dişmenê kurdan pê nê metodan do meeşko kurdîya xoverdayoxe çîn bikero. Rojawan de kurdîya azade ya birûmete ya ke semedê cuya azade kerdo xo çeng, do ser bikewo. Dişmenê Rojawanî û hemkarê ci do bin bikewê. Bi tewirê şarê Rojawanî yê vera nê qirkerdişî dişmenanê kurdan vîn kerde. Ma veng danê heme şarê xo ke wa her ca de semedê averberdişê welatperwerîye û yewîye vera dişmenî têkoşînê xo pîlêr bikero. Kurdîya azade ya birûmete do ser bikewo.''