Koordînasyonê KJKyî derheqê hêrişê Parisî yo ke hîrê kurdî ameyî qetilkerdene de eşekrayîye daye. KCKyî  semedê şehîdan şarê kurdî rê serweşîye û birîndaran rê şîfa waşte û nê vatî:

''Zaf manîdar o ke nê qirkerdiş wextê kombîyayîşê semedê serrgêra 10. ya qirkerkdişê embazanê ma Sakîne Cansiz, Fîdane Dogan û Leyla Şeylemez no qetilkerdiş bi. Eşkera ya ke no qirkerdiş hetê dewleta tirke ra pê organîzasyonê MÎTî ame kerdene.  Semedê ma qetilkar û hêzê peyê qetilkarî eşkera yê.  Qetilkar îqtîdarê AKP-MHPyî yo ke pê gonîya kurdan xo weye keno.  Pê nê qirkerdişî kenê ke şar û cinîyan ê kurdan bitersnê û teslîm bigêrê.

No hêrişo ke binateyê Parisî de ame kerdene qet nîno qebulkerdene hesabê ci do bêro persayene. Eke serê ci bêro girewtene û hesabê ci mero persayene no yeno no mana ke sere de Fransa Ewropa paştî dana hêrişanê qirkerdişî yê dewleta tirke. Mesele têna tepiştiş û muhakemekerdişê qetilkarî yo ke çeke şuxulnayo nîya. Ganî organîzasyonê MÎT û îqtîdarê AKP-MHPyî yê ke peyê nê qetilkarî de bêrê muhakmekerdene. Wa welatê Ewropa û Fransa bizanê ke êyê ke ewro binateyê Paris de vera kurdan nê kenê, siba vera şarê Fransa û Ewropa çîyêkê giranêr do bikerê. Wa şikê çewî nê ra çîne bo.

Şarê ma yo ke Ewropa de yo hela verêne ra vejîya kuçeyan û tewirê xo ramojneno.  No nêrazîbîyayîş ganî her ca de zafêr bêro ramojnayene. Vera hêrişanê qirkerdişî  ganî têkoşîn bêro xurtkerdene. Ganî şarê ma her ca de îqtîdarê faşîstî yê AKP-MHPyî teşhîr bikero û biwazo ke wa mehkemeyanê mîyanneteweyîyî de bêro muhakemekerdene. Îqtîdaro faşîst hetêkî ra Îmrali de vera Rayberîya ma tecrîdî xorî keno û hetê bînî ra vera gerlîlayan her qeyde sûcê şerî keno, Vakurê Kurdîstnaî de vera partî û dezgehan operasyonanê qirkerdişî keno.  Pîya bi nê hemeyan binateyê Ewropa de hêrişê welatperweranê ma û serkêşanê cinîyan keno. Şar û cinîyê kurdan heta ewro nînan ra nêtersayî û peyser gane nêeşte û ewro ra tepîya zî do meerzo. Şarê kurdî do vera nê hêrişî cewabê girdî bido.  Îqtîdaro faşîst sûcdarê şerî yo do bêro muhakemekerdene û saltanatê ci bêro rijnayene.

Xora des serrî yo eke hesabê qirkerdişê Sarayan biameyêne persayene verê nê qirkerdişî nêameyêne akerdene. Ganî no qirkerdiş zî tarî de nêmano. Semedê qetilkarî pê  vatişê 'kesêko nîjadperest o' wa şarî mexapînê. Ganî cade rayîrê huqûqî bêrê şuxulnayene  û kesê ke çeke şuxulnayo  û kesê ke peyê ci de cade bêrê muhakemekerdene. Hinda wextê ci yo vera hêrişanê qirkerdişî beso bêro vatene. Ma sey KJKyî veng danê cinîyan û şarê xo ke vera faşîzmî têkoşînî xurtêr bikerê.''