Koordînasyonê KJKyî derheqê mergê endamanê Grup Yorumî û rewşa tepişteyan de eşkerayîyêke weşanaye.

Eşkerayîya KJKyî wina ya:

Îqtîdarê AKP-MHPyî prosesê vîrusê Korona seba faşîzmê xo sey firsend vîneno. Nê prosesî de deyîrî, nuşteyî şîîrî,  ameyî qedexekerdene. Endamê Grup Yorumî seba ke bieşkê hunerê xo bîyarê ca şehîd bîyî. Dinya de çîyêko normal o ke merdimî deyîrani şîîran vajê, nuşteyan binusê. La TC de seba ke merdimî înan bikerê ganî ganê xo feda bikerê. Hêlîne Bolek, Mustafa Koç û Îbrahîm Gokçek nê oxirî de ganê xo dayî. Ma înan bi rêzdarî yad kenê û soz danê ke ma do pê Kurdîstanêkê azadî û Tirkîyaya demokratîke wayîrê vîrameyîşê înan bibê. Çalakîya tepişteyanê ke ke grevê vêşanîye de yê resaye astêka krîtîke. Çalakîkeran pare kerd ke ê do çalakîta xo biresnê astêka berzêre. Seba ke verê nê mergan bêro girewtene ganî waştişê tepişteyan bêrê caardene û şar bi hawayêkê demokratîkî ganî nêrazîbîyayîşê xo pê çalakîyan bimojno.

Eşkera yo ke xeylêk zîndanan de tepişteyî pê vîrusê Korona kewtî. Tecawuzkerî, kiştoxê cinîyan, sercergî vera dîyenê labelê bi hawayêkê bêexlaqî  nêzdîyê tepişteyan ê sîyasîyan benê. Tepişteyê sîyasîyî lapanê mergî de yenê veradîyene, seba ke vîrusê Korona vila bibo zemînêk yeno amadekerdene. Tepişteyê maruzê tecrîdêkê fîzîkî benê. Seba hewcedarîyanê werde, şimitiş, mendiş û weşîye yê tepişteyan rê cewab qet nêame dayene. Coka ganî keyeyê tepişteyan û rayaumûmîye seba ke rewşa tepişteyan bikerê rojdem ganî zafêr bixebitê. Ganî dinya de seba tepişteyanê sîyasîyan kampanyayêke Kurdîstanî ra heta Filîstîn, uca ra zî heta Ewropa û Asya bêra kerdene. Pê platformanê mîyanneteweyîyan ganî rewşa tepişteyan biba rojdem. Ganî hunermendî, partîyê sîyasîyî, komeleyê heqanê merdiman, rêxistinê komelê sivîlî, roşnvîrî û însîyatîfî rayberîya ney bikerê. Ganî tepişteyî têna nêmanê.

Îran de zî tepişteyê sîyasîyî teber de yenê tepiştene û zîndan de hetê rotoxanê kundoxan de, kiştoxan û fuhuşkaran reyde sey ceza yenê cadayene. Embaze Zeynepe Celalîyan zî bi nê hawayî ameye berdene. Zeynepe pê telefonî keyeyê xo rê vat ke a berde çend zîndanan û penî de berde Tehran. Nêna zanayene ke Zeynepe nika kamca de ya, rewşa aye senîn a. Coka sere de keyeyê aye pêro kurdî qerqilîyenê. Ganî rayaumûmîye derheqê weşîya Zeynepe Celalîyan de bêra zanayîşdayene. Nê esasî ser o Îran de Tirkîya de û dinya de ganî tepişteyê sîyasîyî bêrê veradayene.''