Komîteya Perwerdeyî ya KJKyî bi wesîleya Roja Ziwanê Dayîke ya 21ê Sibate eşkerayîyêke daye. 

Eşkerayîya KJKyî wina ya:

''Eşkera yo ewro netewe-dewletê Tirkîya, Sûrîye û Îranî estbîyayîşê şarê kurdî qebul nêkenê. Şarê kurdî bi serran o têkoşînê heqanê xo û azadîye keno. Nê dewletî estbîyayîşê ma qebul nêkenê la şarê sey ereb, tirk, alman, îngilîz, katalan ûsn. estbîyayîşê şarê ma şinasnenê. Ganî şarê ma hînî derheqê babeta perwerdeyê ziwanê dayîke de dewlete ra çîyêk hêvî nêkero. Hêvîya esase paştdayîş û yewîya komelkî ya şaran o.

Sey bingeyê esasî yê Neteweya Demokratîke perwerdeyê kultur û ziwanî her şert û mercî de xebatêka tewr bihûrmet a.Coka mamosta û kedkarê ziwanî yê ke çar parçeyanê Kurdîstanî de, Kampa Şehîd Rûstem Cûdîyî de û teberê welatî de xebatanê ziwanî kenê, layîqê teqdîrêkê pîlî yê. Derheqê dibistananê kurdkî de tay dormeyî qestî ra yan zî nezanîye ra propagandaya sey 'perwerdeyê ziwanê kurdkî fermî yo, fermî nîyo' vila kenê. Sere de cinî û dadîyî ganî komelê ma nê nêzdîbîyayîşan rê firsend nêdê. Seba ney zî ganî domananê xo hîna zaf bişawê nê dibistanan.

Bi ziwanê dayîke qiseykerdiş, musayîş û averberdiş xebatêka tewr xozayî û manadar a. Ziwan kokê estbîyayîş, esl û nasnameyê merdiman o. Kesê ke ziwanê xo vînî kenê, eslê xo de, xo zî vînî kenê. Nê esasî ser o bi wesîleya Roja Ziwanê Dayîke her parçeyanê Kurdîstanî û teberê welatî de cinî, ciwan, doman û pêro merdimê ke bi hîsgerîya welatperwerîye, seba pawitiş û wayîrvejîyayîşê ziwanê ke çalakîyanê cîya-cîyayan kenê ma înan bi rêzî selam kenê û nê tewirê înan fîraz kenê. Ma venga pêro kurdan zî danê ke dormeyê dezgeh, mamosta û kedkaranê ziwanê dayîke de bêrê pêser, her gama cuye de bi kurdkî qisey bikerê û bi kurdayetî estbîyayîşê xo rehber bikerê.''