Komîsyonê Perwerde, Kultur û Ziwanî yê KNKyî bi wesîleya Roşanê Ziwanê Kurdkî eşkerayîye daye.

KNKyî vat: ''Ganî kurdî wayîrê sembolan û vîrameyîşanê xo yê tarîxîyan vejîyê. Heta ke komel ziwanê xo cuya rojane de meşuxulno, nêeşkeno estbîyayîşê xo bidomno û nasnameyê xo eşkera ramojno. Nê semedî ra dişmenê kurdan raştîya ziwanê kurdan nas nêkenê û qebul nêkenê. Qedexekerdişê ziwanê kurdkî yeno manaya çînkerdişê komelê kurdan. Ganî dezgehê fermî, dezgehê komelê sîvîlî û heme hetê komelê ma xebatanê bêfeydan caverdê û semedê ziwanê xo destê xo bikerê binê kerra. Ziwanê ma binê tehlukeyî de yo. Eke ziwan çînêbo, nasname zî nêbeno û o wext sey netewî estbîyayîşê ma kewno gangeş. Ma her çî vînî kenê. Aye ro ganî ma wayîrê ziwanê xo bivejîyê.''