Konseya Rayberdişî ya KNKyî bi wesîleya serrgêra dardekerdişê Serekê Komara Kurdîstanî Pêşawa Qazî Mihmed û embazê ey eşkerayîyêka nuştekîye weşanaye.

Eşkerayîya KNKyî bi kilmî wina ya:

''73 serrî verê xû ewro 31ê adara 1947î de rijîyayîşê Komara Kurdîstanî ya Mahabadî ra dima Ronayox û Serekê Komare Pêşewa Qazî Mihemed, Wezîrê Pawitişî Seyf Qazî û temsîlkarê Komare Sadr Qazî ameyî dardekerdene.

Komara Kurdîstanî ronayîşê ci ra serrêke dima bi paştdayîşê kolonyalîzmê mîyanneteweyî hêtê dewleta îşxalkere Îranî ra ame rijnayene. 

Ê wextanê şerê diyînî yê dinya de bira ronayîşê Kurdîstanî birêka biçêre bîye. No xîret û na fedakarîye seba ma û tarîxî bîyî mîsal û ders. Qazî Mihemed zî sey sembolêkê pîlî mîyanê tarîxî de ca girewt.

Ewro zî vera rejîmê Îranî ciwan û cinîyê kurdî bi rêxistin û dezgehanê xo yê sîyasîyan, komelkîyan û leşkerîyan têkoşînêkê bêhempayî kenê. Malayê Îranî kurdan darde kenê, erzenê zîndanan û qir kenê la vera nînan zî şarê kurdî têkoşînê xo bi wayîrvejîyayîşê dewaya Qazî Mihemedî û embazanê ey dewam keno.

Ma sey KNK serrgêra 73. ya dardekerdişê înan de Pêşewa Qazî Mihemed, Seyf Qazî, Sadr Qazî û pêro şehîdanê Kurdîstanî reyna bi hûrmet û rêzî yad kenê. Ma sere de rejîmê Îranî pêro îşxalkeranê Kurdîstanî bi xurtî şermezar kenê.''