Leşkeranê tirkî di kolberê ke sînorê Vakûr û Rojheletê Kurdîstanî de tepiştî înan rê îşkence kerd. Kolberan ra yew îşkence ra merd  yew zî birîndar o.

Goreyê zanayîşanê ke ameyî girewtene kolberê rojhelatijî Hesen Keçelano (35) û Behnam Semedî vizêr saetanê serê sibayî de nêzdîyê sînorê Wanî de hetê leşkeranê tirkî ra ameyî tepiştene û înan rê îşkence ame kerdene. Netîceya îşkneceyî de babîyê hîrê  qican Hesen Keçelanoyî dinyaya xo bedilnaye.  Behnam Semedî zî derbê giranî girewtî.  Semedî dima ra pîya bi cenazaya kolberê bînî xeta sînorî de ame veradayene.

Merdimanê kolberan vat: ''Bado ke Semed ame ma pîya bi leşkeranê Îranî şiyî sînor. Leşkeranê Îranî vat cenaze rê îşkence ameyo kerdene. Leşkeranê Îranî venga leşkeranê tirkî da û vat,'Seba ke cenaze rê îşkence bîyo ma nêeşkenê wina bigêrê. Ganî bi tewirê huqûqî berê sînorî ra vejîyo.' Nayî ser o leşkeranê tirkî cenaza girewte berde.''

Dewijê ke dewa Şexsicihî ya ke qewimîyayîş tede bi, vat ê pê çimanê xo dîyo ke leşkeranê Qereqolê Sedat Nezih Ozokî wird kolberan rê îşkence kerd.