Xebata Îtîfaqê Kurdîstanî derheqê ambargoyê vera Kampa Mexmûrî yo ke 9 aşmî yo dewam keno û hêrişê vera Zînî Wertê de eşkerayîyêke daye û nê pare kerdî:

''Wexê yewîya neteweyîye ya ke fermanê Ehmedî Xanî, Gazî Muhammed û Seyda Cigerxwînî ya ameyo. Bi yewîye ganî cîyatîye bêrê qickerdene û feyfeyê hemparî bêrê girdkerdene. Vera kolonyalîstanê ke mabênê ma xeripnenê, cîyatîya ma şuxulnenê  û bêmabên hêrişê ma kenê ganî ma bibê yew û destûrê nê plananê înanê leyminna medê. Roje roja yewîye û pîyayîye ya. Semedê qewimîyayîşanê Başûrî ma qerqilîyenê. Ewro heme dinya rîyê vîrusê Korona ra problemêko gird ciwîyena û xora ma sey kurdan demêkê zehmetî ra ravêrenê. Hetêkî ra Kurdîstan de hêrişê vera şarê ma dewam kenê hetê bînî ra bi plananê leyşinan wazenê ke şarê ma biverdê yewbînan.  Ganî  kurdî nê kayanê dişmenî rê mexapîyê. Ma nê prosesê girîngî de tîya ra veng danê û wazenê ke wa sere de semedê destkewteyanê Îdareyê Herême yê Kurdîstanî û îdareyo Xoser ê Rojawanî  heme destkewteyê şarê ma bêrê pawitene. Semedê naye zî ganî ma bibê yew û hêzê xo girdêr bikerê. Bi yewîya neteweyîye do şarê ma ser bikewo û welatê ma azad bo.''