Komêka ciwananê ereb û kurdan bi eşkerayîyêke tewrê gerîlayan bîyî û venga pêro ciwanan da ke vera îşxal û îxanetî tewrê gerîlayan bibê.

Eşkerayîya ciwanan wina ya:

''Dewleta tirke ya îşxalkera ke vera erjanê merdimîye têgêrena, seba ke estbîyayîşê xo bida ferzkerdene, îqtîdarê xo serwerê dinya bikera polîtîkayanê gemarinan kena. Hêrişê projeyê Neteweya Demokratîke û Têgêrayîşê Azadîye kena. Armancê înan bi polîtîkaya çinkerdişê fikr û felsefeya Rayber Apoyî yo ke pêro dinya ra vila bîyê.

Hêrişê 17ê nîsane hetê hêzanê hegemonîkan ra, hetê dewleta tirke û îxanetê PDKyî ra dîyayî destpêkerdene. Armancê nê hêrişan çinkerdişê Têgêrayîşê Azadîye yo. La gerîlayê azadîye seba pawitişê erdê xo û pûçkerdişê plananê qirkerdişî û talanî xoverdayîşêkê bêhempayî kenê. Pêro polîtîkayê bêexlaqî, hêrişê kîmyewîyî, erdî û hewayî hetê gerîlayan ra bi îrade û bawerîyêka xurte yenê pûçkerdene. Dewleta tirke ancî binkewtiş de têrî ameya û eşkera bi ke şerê gerîlayan şerê îrade û azadîye yo.

Nê esasî ser o ma vengdayîşê Komalanê Ciwanan ê vera hêrişan, sey pawitişê erd û namusê xo vînenê, coka ma tewrê gerîlayan benê. Prosesêkê winasênî de ganî pêro ciwanî wirzê we, sere wedarnê, bi erkê xo tewrê gerîlayan bibê. Çunke hêvî û xeyalê azadîye rayîrê gerîlatîye de yê. Nê esasî se ro ma venga pêro ciwanan danê ke tewrê gerîlayan bibê. Ma do bi ruhê fedayî îşxal û îxanetî çin bikerê. Sena ney zî ma vanê, vera îşxal û îxanetî bêrê cengê azadîye.''

Eşkerayîye bi sloganan qedîyaye.