Têgêrayîşê Ciwananê Şorişgêran ê Sûrîye û Yewîya Cinîyan ê Ciwanan seba paştdayîşê gerîlayan Qamişlo ra ver bi Dêrikî rayraşîyayîş kerdbi. Rayraşîyayîşê bi şîarê 'Vera îxanet û îşxalî bêrê cengê azadîye' ra dima ciwanan eşkerayîye daye û eşkerayîye de ame parekerdene ke komêka ciwananê ereb û kurdan bi şîarê 'Garantîya Kurdîstanî ma yê' vera îşxal û îxanetî tewrê gerîlayan bîyî.

Eşkerayîya ciwanan wina ya:

''Hêrişê dewleta tirke ya îşxalkere û hemkarê ci PDKyî yê vera Herêmanê Pawitişî yê Medya dewam kenê. Gerîlayî vera nê hêrişan xoverdayîşêkê destanwarîyî kenê. Hêrişanê îşxalî ser o Komalanê Ciwanan seferberîya 'Vera îşxal û îxanetî bêrê cengê azadîye' îlan kerdbî.

Çarçewa na seferberîye de ciwananê kurdan teber û zereyê welatî de serrgêra 18. ya Hemleya 1ê Hezîrane de rayraşîyayê dergî dayî destpêkerdene. Ma sey ciwananê Rojawanî zî têna bi nê rayraşîyayîşî nêmanenê û sey komêka ciwanan tewrê gerîlayan benê. Tewrbîyayê ma vera dişmenî cewabo tewr giran û bitesîr o.''