Vera hêrişê îşxalî yê dewleta tirke û PDKyî yê vera Herêmanê Pawitişî yê Medya tewrbîyayîşê gerîlayan dewam keno. Rojawan de ciwanî verê xo danê waranê gerîlayan. Verî 50 ciwanî tewrê sefanê gerîlayan bîbî, dima ra 12 ciwanî û nika zî 10 ciwanê erebî tewrê sefanê gerîlayan bîyî.

Ciwanê ke bi çarçewa seferberîye de bi sloganê  ''Werin Cenga Azadîye'' yê Komalên Ciwanî de tewrê sefanê gerîlayan bîyî bi eşkerayîye da eşnawitene ke ê  tewrê sefanê gerîlayan bîyî ke artêşa tirke ya îşxalkere û hemkarîya PDKyî ra hesab bipersê. Ciwanan ard ziwan ke ê do têkoşînî pîlêr bikerê, xeta azadîye ya Abdullah Ocalanî bipawê û veng da ciwanan ke wa verê xo bidê sefanê gerîlayan.