Goreyê xebera keyepelê Nûçe Ciwan bi eşkerayîyêke komêka wendekaranê Zanîngehê Sine tewrê gerîlayan bîya.

Wendekaran venga çalakîkeranê Rojhelatê Kurdîstanî û Îranî da ke têkoşînê xo xurtêr bikerê û venga cinî û ciwanan da ke vera îşxalî verê xo bidê refanê gerîlayan.

Eşkerayîye wina ya:

''Ma sey komanê ciwan û cinîyan ê Rojhelatê Kurdîstanî yê ke Zanîngehê Sine de wanenê, tewrê refanê gerîlayan bîyî. Xoverdayîş û têkoşînê meşrûyî yê şarê kurdî û şaranê Îranî vera zulmê 44 serrî yê rejîmê Îranî xo resna asta peyêne.

Bi qetilbîyayîşê cinîya kurde Jîna Emînî adirê nefretê pêro şaran newe ra ame tavistene. Na rewşe de beşê komelî yê bindestî cinî û ciwanî bi îtîfaqê tarîxî sutûnê îqtîdarî şiknenê û bingeyê cuya azade awan kenê. Na rewşe bi sloganê 'jin, jiyan, azadî' xo mojnena ra. Dewleta tirke û Îran nameyê pêro kanperestan ser o dest pê hêrişan kerd û bi barbarî hêrişê gerîlayan kenê.

Ma venga cinî û ciwananê kurd, ereb, azerî, belûç, gîlak û farsan danê ke îşxalkeran ra qesasî bigêrê, şorişê azadîye ser bivisnê. Seba pawitişê şorişî bêrê waranê gerîlayan.''