Aktîvîsta Têgêrayîşê Cinîyan ê Azadan (TJA) Narîne Gezgor tecrîdê vera Rayberê Şarê Kurdî Abdullah Ocalanî ercna. Gezgore ard ziwna ıke tecrîdê vera Rayberê Şarê Kurdî Abdullah Ocalanî 21 serrî yo ke bi hawayêkê sîstematîkî dewam keno û wina qisey kerd: ''Wexto ke ma ewnîyenê şert û mercanê grevê Îmraliyî ma vînenê ke Birêz Ocalan binê îzolekerdişêkê pîlî de yo. Serra 2012015î de bi prosesê haştîye şarê Tirkîya nefes girewtbi. Dima ke porsesê haştîye qedîya reyna vera Birêz Ocalanî tecrîdêko mutlak ame kerdene. Tecrîd qet nêno qebulkerdene.

Fikr û vînayîşê Ocalanî seba komelî û ameyoxî çareserîya demokratîke ya alternatîfe yê. Birêz Ocalanî bi serran o ke seba aramîya komelî û demokras3iyî têkoşîn keno.Ewro tecrîd şexsê Ocalanî de vera pêro komelî yeno kerdene. Polîtîkaya seba şerî israrî û tecrîdî rijnayîş û xerakerdiş anê meydan. Israrê şerî dişmenîya kurdan nîşan dano û kurdan sey çin hesibeno. Ganî ma seba yewîya neteweyê demokratîkî û Tirkîyayêka demokratîke, çareserîya demokratîke ya kurdan bibê yew. Ganî tecrîdê vera Birêz Ocalanî biqedo. Krîzê nikayênî pêro pabesteyê tecrîdî yê. 

Ganî keye, avûkat û heyetêk Ocalanî reyde pêvînayîş bikerê. Ganî Ocalan bêro goşdayene. Wexto ke Ocalan qisey keno komel  aram beno. Tecrîd têna bi rayîrê xoverdayîşî eşkeno bêro şiknayene û rayberîya naye zî do cinîyî bikerê. Çunke tecrîdê Ocalanî tewr zêdêr tesîrê cinîyan keno. Bi tecrîdê Ocalanî kişîyayîşê cinîyan, şîdetê vera cinîyan bîyî zêdêr. Ganî pêro dezgehî, cinîyî ciwanî vera tecrîdî wurzê payan ser. Ganî cinîyî yewîya xo awan bikerê û vera tecrîdî xo ver bidê. Nêbo tecrîd do dewam bikero.''