Komîteya Şaran û Bawerîyan a KCKyî bi wesîleya Çarşema Sor eşkerayîyêke weşanaye. Eşkerayîya KCKyî wina ya:

''Ma roşanê Çarşema Sor (Roşanê Sereyê Serre) yê şarê xo yê êzidîyan fîraz kenê. Şarê ma yê êzdidîyan o ke derheqê înan de 73 fermanî vejîyayî, goreyê serranê peyênan hîna birêxistin û bihîşmendî roşanê xo fîraz kenê ke no destkewtişêko pîl o.  Êzidîyî seba ke wayîrê nasname û kulturê kurdan vejîyayî hedefê dişmenanê kurdan bîyî. Nê dişmenan ra yew zî dewleta tirke ya faşîst a. TCyî serra 2014î de DAÎŞî reyde êzidîyî kerdî hedef. Vera hêrişanê dewleta tirke her ca de xoverdayîşê gerîlayan dewam keno. Gamê ke êzidîyan 5 serranê peyênan de eştî, hîşmendîya ke êzidîyî resayî ci serfîrazîye kerde pîlêr.

Şarê ma yo ercîyaye;

Armancê verênî yê qirkerdişanê vera kurdan koçkerdişê şarê kurdî, vurnayîşê demografî yê. Çarşema Sor yena a mana ke erdê Kurdîstanî Heqwar o, perwerîya welatî pê roşanî fîrazkerdiş o. Nê esasî ser o ma vanê ke ma Çarşema Sor a 2020î pê nê hîs û fikranê ê kesan fîraz bikerê ke ê kesî vera hêrişan erdê xo pawenê, rixmê tedayan û hêrişan zî erdê xo nêteriknenê, eke neçarîye ra biteriknê zî agêrenê. Ma şehîdanê ke wayîrê nê hîs û fikran ê, sey Mam Zekî Şengalî û Zerdeşt yad kenê. Tehlukeyê qirkerdişî yê vera êzidîyan nêqedîya. Ma venga şarê ma yê êzidîyan danê ke xopawitiş û rêxistinîya xo ya komelkîye pîl bikero. Bi nê hawayî ma Çarşema Sor a 2020î bikerê wesîleya serkewtişan ê pîlan.''

Janê vîrusê Korona vila beno. Coka ma ganî emser fîrazkerdişê roşananê xo de na raştîye ser o vinderê. Ganî aktîvîteyê roşanî, kombîyayîş û zîyaretî nê esasî ser o bêro kerdene. Ma nê rojanê zoran de hetkarîye, paştdayîş û parekerdiş bizêdînê. Ma hewcedaran rê hetkarîye madî û manewîye bikerê. Şarê kurdî bêmenfaat têgêreno. No erjê ma yo exlaqî yo. Eke ma nê erjanê xo pê hîşmendîya Rayber Apoyî yew bikerê ma eşkenê heqê pêro zehmetîyan ra bêrê. Çarşema Sor mîyanê nê kulturî de yena fîrazkerdene. Coka ma venga şima danê ke roşanê emserî goreyê nê kulturê hetkarîye fîraz bikerê.

Kurdayetî pê erjanê qedîman ê êzidîyan bingeyê neteweyê demokratîkî de bîye yew. Derwêş û Êdûlêyê hemdemî Kurdîstanê Xoserî awan kenê û pawenê. Ma reyna bi nê hîsî roşanê şarê xo yê êzidîyan fîraz kenê, şexsê Binevşe, Xane, Mam Zekî Şengalî û Zerdeştan de pêro şehîdan yed kenê. Ma soz danê ke ma do seba serkewtişê dewaya înan têkoşînê xo berz bikerê.''