Komîteya Dîyalogê Zereyî ya KNKyî derheqê alozîya peyêne ya mabênê hêzanê Kurdîstanîyan de eşkerayîyêke daye.

Eşkerayîye de ame vatene ke alozîya peyêne ya mabênê hêzanê Kurdîstanî manena alozîya serranê verênan û şarê kurdî qerqilnena. KNKyî pare kerd ke na alozîye dişmenê kurdan zî şay kena. Eşkerayîye wina dewam kena: ''Verê Kurdîstanî de zaf firsend êstê ke dewaya Kurdîstanî do ser bivisnê. Ma sey Komîteya Dîyalogê Zereyî ya ke çar leteyanê Kurdîstanî ra dezgehanê cîyayan û kesan ra yena raameyene tim semedê mabençîye amade yê ke vernîya dîyalogî abikerê. Ma seba averberdişê dîyalogan pêvînayîş û zîyaretan kenê. Ma rêxistin û partîyanê Kurdîstanî ra wazenê ke seba aramkerdişê rewşe tewirêkê samîmî bimojnê. Ma roşnvîran, akademîsyenan û pêro kesayetanê Kurdîstanî ra wazenê ke seba aramkerdişê rewşe têbigêrê. Ma endam û zerrîwazanê wird hêzanê Kurdîstamî  û şarê xo ra wazenê ke wa pê mesuldarîya xo têbigêrê û hêrişan vindarnê. Ma pêro kurdîstanijan ra wazenê ke seba ke alozîye biqeda pê rayîranê demokratîkan tewirê xo bimojnê.''