Komîteya Tekîlîyanê Teberî yê KCKyî derheqê hêrişê dewleta tirke û hêrişê vera Şingalî de eşkerayîye de û nê vatî:

''Dewleta tirke ya ke mîyanê krîzê giranî de ya 17ê nîsane de vera şarê ma dest pê hêrişî bînî kerd. Erdogano faşîst o ke vera ci vengê nêrazîbîyayîşan zêdîyenê, keno ke rojdemî bibedilno. Coka pê paştdayîşê PDKyî dest pê hêrişî bînî kerd.Gerîlayê azadîye yê Kurdîstanî bi xoverdayîşê qehremankî hesabê ci xeripnenê.Nê hêrişî têna vera PKKyî nîyê. Dewleta tirke tarîxî ra dişmenê kurdan a. Dewleta tirke hêrişê vera Kurdîstanî de paştdayîşê tewr pîlî PDKyî ra gena. Ma sey têgêrayîşî vera dewleta tirke şerêkê pîlî danê. No şerê azadîye û hûzûrî yê Kurdîstan û herême yo. Ma do hesabanê îşxalkeran bixeripnê û şaranê herême bixelisnê.

Demê peyênî de hêrişê artêşa tirke ya îşxalkere vera Şingal û şarê êzidî zî zêdîyayî. Şarê ma yê êzidîyan newe qirkerdişê DAÎŞî ra xelisîyayî û kenê xo rê cuya newî înşa bikerê. Semedê naye zî seba destûrê qirkerdişanê bînan medê tedbîranê xo genê. Coka modelê îdareyê xoserî aver berd ke cayê nê qanûnê bingeyî yê Iraqî de zî est o. Nê cehdkerdişê êzidîyan tewr zaf zorê PDK yo ke Şingal teslîmê DAÎŞÎ kerd û berpirsîyara DAÎŞî dewleta tirke şi. Şarê êzidî kerd ke nê prosesî pîya bi Iraqî bi dîyalokî aver bero.

Şingal de çend rojî yo mabênê şarî û artêşa Iraqî de tengijîn  est o. Ma sey têgêrayîşî warê hêriş DAÎŞî de mudaxale kerd û şarê xo pawit. Dima ra sere de YPŞ-YJŞ  û Asayîş bi paştdayîşê dewleta Iraqî  Şingal de hêrişê DAÎŞî ame şiknayene. Êzidîyan ê prosesî ra dima Şingal de îdareyê xo yê xoser aver berd. Ê hinî eşkenê Şingalî ser o Iraqî zî bipawê. No semedê Iraqî problem nê eslê xode çareserî yo.

 Nika wextê hêrişê dewleta tirke yê vera Başûrê Kurdîstnaî û Iraqî de artêşa Iraqî û êzidî yenê vera yewbînan. Eşkerayo ke yew plan dewre de yo. Şarê êzidî raştê qirkerdişî ameyo, coka ganî Iraq ci rê hesas nêzdî bo. Ganî dewleta Iraqî çeke û şîdetî teber de tepişê û bi şarê êzidî dîyalog ronê. Pêkerdişê ke teberê îradeyê êzidîyan de ameyî kerdene, dêsê tirkanê ke yeno ronayene û bêhurmetîya vera ercanê şarî probleman çareser nêkenê. Pê wesayîtanê leşkerîyan serşîyayîşê domanê êzidîyan pêkewtişan xorî keno. Ganî îdareyo xoser ê Şingalî projeyanê xo yê çareserî hukmatê Iraqî reyde pare bikero. Na babete de ma sey Têgêrayîşê Azadîye semedê çareserkdişê problemî çîyo ke destê ma ra bêro ma do bikerê.''