Komîteyanê Zîndanan ê PKK-PAJKî bi eşkerayîyêka nuştekîye şehîdê Rojeyê Mergî yê Pîlî yê 14ê Temmuze M. Hayrî Durmuş, Kemal Pîr, Akîf Yilmaz û Alî Çîçek yad kerdî.

Eşkerayîye wina ya:

''Ma bi wesîleya serrgêra şehadetanê înan şexsê M. Hayrî Durmuş, Kemal Pîr, Akîf Yilmaz û Alî Çîçekî de pêro şehîdanê ma yê têkoşînî û zîndanan bi minet, heskerdiş, rêzî yad kenê. Ma soz danê ke vîrameyîşê înan bipawê, armancanê înan bîyarê ca û layîqê înan bibê.

Xoverdayîşê Rojeyê Mergî yê Pîlî yê 14ê Temmuze 41 serrî xo pey de verdayî, ê rojan ra heta ewroyî zaf tesîrê prosesê têkoşînî kerd, tim bi bingeyê têkoşînê vera faşîzmî. Ewro zî Xoverdayîşê 14ê Temmuze bi xeta fedayî ya gerîlayan û xoverdayîşê zîndanan tewirê şarê ma yê qerardarî de xo mojneno ra, dewam keno.

Xoverdayîşê 14ê Temmuze seba ke paştîya xo dabî bawerî, qerardarî, perwerî, fikrê pîlî, tewirê raştî û rêxistinîya milîtanîye ser kewt. Xoverdayîşê 14ê Temmuze de kêmasîya îmkanan, madîyat û şertan ameye kerdene bingeyê xoverdayîşî û serkewtişî. No yew terzê Rayberîye yo û roja verêne ra nata karakterê têgêrayîşê ma yo bingeyî yo. Nê terzî Xoverdayîşê 14ê Temmuze de bi hawayêkê tewr bihêzî îfadeyê xo yê pratîkî ard ca.

Ruhê Xoverdayîşê 14ê Temmuze de cayê bêhêvîtîye çin o la perspektîfê xodayîş û serkewtişî est o. Ruhê 14ê Temmuze de cayê bêîmkanan çin o. Ruhê 14ê Temmuze persê 'Cuyêka rumêtêne ganî senî biba' rê cewabo tewr raşt o. Ruhê Xoverdayîşê 14ê Temmuze îfadeya qerardarîye ya perwerîya bi Rayber Apo, şehîdan û şarê ma ya. Coka 14ê temmuze hetê têgêrayîşê ma ra sey 'Roja Rûmetî ya Neteweyî' ame îlankerdene.

Ewro dewleta tirke ya faşîste bi teknîkê şerî û destekê xayîn û hemkaran kena ke qirkerdişê şarê ma bi netîce bikera. Vera ney bingeyê xoverdayîşê Îmraliyî yê Rayberîya ma de pêro war û cayan de xeta serkewtişî ya 14ê Temmuze de têkoşîn yeno kerdene. Ruh û xeta 14ê Temmuze tek rayîr û ruhê binvistişê faşîzmê dewleta tirke, demokratîkkerdişê Tirkîya û Rojhelatê Mîyanênî û caardişê azadîya Rayberîye yo. Nê esasî ser o ma vanê ke ma bi ruhê Xoverdayîşê 14ê Temuze dest pêkerd û bi nê ruhî serkewtiş do bibo ê ma, şarê ma û şaran.''