Komîteyanê Zîndanan ê PKK-PAJKî derheqê vîrusê Korona û weşîya tepişteyan de eşkerayîyêke daye.

Eşkerayîya Komîteyanê Zîndanan ê PKK-PAJKî wina ya:

''Zîndanê Tirkîya û Kurdîstanî sey îşkencexane û warê kiştişî ameyî xebitnayene. Bi seyan embazê ma zîndanan de pê îşkenceyî, pê çalakîyanê vera îşkenceyî yan zî nêweşîyan ra şehîd bîyî. 

Nê wextî de ke pêro merdimîye vera vîrusê Korona têkoşîn kena faşîzmê AKP-MHPyî vîrus seba qirkerdişê kurdan xebitneno. Hetêkî ra Rayberê ma tecrîd keno, hetêkê bînî ra dest nano şaredarîyanê ma ser û wazeno ke bi deh hezaran tepişteyê şorişgêrî lapanê mergî de biverdo. Ma zanenê ke tay zîndanan de vîrus ame tesbîtkerdene. Eke tebdîr nêro girewtene û tepişteyî cade nêrê veradayene her kes bizano ke felaketêk do bêro meydan.

Wa îqtîdarê AKP-MHPyî bizano ke eke felaketêk bêro meydan no do seba nînan zî bibo felaketêk. Ganî hema ke erey nîyo sere de Rayber Apo û tepişteyê nêweşî ganî pêro tepişteyî bêrê veradayene.

Seke ma xo pawenê ganî ma Rayberê xo, fikranê ey, tepişteyanê xo zî bipawê. Naye ra sere de keyeyê tepişteyî, şarê ma, hêzê demokratîkî, rêxistinê komelkî û rêxistinê şarê ma heta ke înan ra yeno ganî vera nê felaketo ke AKP-MHP wazenê bikerê wurzê payan ser û vera qirkerdişan xo ver bidê.

Seke her wextî xoverdayîşê şarê ma do netîce eşkera bikero. Coka ma venga şarê xo, dostanê xo û rayaumûmîya demokratîke danê ke seba veradayîşê tepişteyan ê sîyasîyan bi taybetî seba Rayber Apoyî û tepişteyanê nêweşan avûkatan û doktoranê xoseran ra heyetêk şoro Îmrali û qesawetê rayaumûmîye werte ra wedaro, seba ke tepişteyê sîyasîyî bêrê veradayene têkoşîn bikerê.''