KONGRA-GEL’î peyamê xo yê nuştekîyî yê Roşanê Qurbanî de, sere de roşanê Rayberê Şarê Kurdî Abdullah Ocalan, şarê Kurdistanî û heme Alemê Îslamî bimbarek kerd. Peyamê KONGRA GEL’î wina yo;

‘’Şarê ma binê hêirşê dewleta Tirkî de keweno nê roşanî. Hêrişê dewleta Tirkî tena vera leteyêk û partîyêk nêyê. Wa şarê Kurdistanî û hêzê ci yê sîyasîyî bizanê ke  destkewteyê Kurdanê ke bi bedelenê girdan ameyî destfînayene, hedef yenê girewtene. Amancê faşîstan oyo ke vernîya Kurdan ê ke Rojakewtena Mîyanêne de bîyê hêzêk bigêrê. Hukmato faşîst yê AKP-MHP’yî tecrîdê serê Rayber Apoyî û hêrişanê vera Vakur, Başûr û Rojwanî rê dewam keno. Ewro yewbîyayîşê partîyanê sîyasîyan ê Kurdan zaf muhîm o. Yewbîyayîşê Kurdan tersê mergî yê heme hêzanê kolonyalîstan o. Ganî qet partîyêka Kurdan hukmatê AKP- MHP’yî rê xizmet mekero. Semedê na hîsdarîye wertevetiş roşan firsendek o. Vera polîtîkayanê îşxalî bi yewbîyayîşêkê neteweyîyî  û cematkîyî ganî xoverdayîş bêro girdkerdene. Na çarçewe de ma reyna roşanê şarê xo bimbarek kenê û serkewtiş wazenê.’’