Dîwanê Hemserekîya KONGRA-GEL’î yo ke eşkerayîyêka nuştekîye daye Roşanê Ganîbîyayîşî yê 15’ê Tebaxe pîroz kerd û semedê xurtkerdişê mucadeleyî veng da.

Eşkerayîye ra tayî cayî wina yê:

‘’Ma bi wesîleya serrgêra 35’ine şexsê Fermandaro gird embaz Agît de heme şehîdanê hemleya 15’ê Tebaxe bi hurmet û mînetî bi vîr anê û sozê caardişê waştişanê şehîdan yê azadîya Rayber Apo û şarê xo newe kenê.

Ruhê şorişgêr û xoverdayîşî yê PKK’yî  yê serewedartişê peyênî  yê Kurdan bi faşîzmê 12’ê Êlule ame waştene ke bêro çînkerdene. La  Zîndanê Amedî de bi ruhê 14’ê Temmuze xovedayîşêk dest pêkerd. No xoverdayîş bi hemleya ruhê serkewtişî yê 15’ê Tebaxe ame tacîdarkerdene. Xoverdayoxanê ke bi ruhê serkewtişî xover da ser kewtî. No ruho şorişgêr o ke hetê Rayber Apoyî ra ame afernayene Kurdistan ra resa şaranê Rojakewtena Mîyanêne û vila bi.

Ewro Kurdî Rojakewtena Mîyanêne ya ke şerê dinya yê 3’ine tede yeno domnayene de aktorê bingeyên ê. Dewleta Tirkî ya fasîte çîyo ke 12’ê Êlule de nêeşkayî bikerê ewro wazena bica bîyaro. Coka vera Başûr û Rojawanî hêrişê îşxalî kenê. La ê sekenê wa bikerê do meeşkê xoverdayîşê Kurdan bişiknê. Hedefê rejîmê Tirkî de tena PKK û Kurdistan çîn ê. Heme destkewteyê Kurdan hedef de yê. Coka ganî heme hêzê Kurdan pîya vera nê faşîstan tê bigêrê. Wa heme hêzê demokrasî zî hol bizanê ke sebebê kaos û krîzê Tirkîya meseleya Kurdî ya. Semedê çareserîye ganî mucadeleyê azadîya Rayber Apoyî bêro girdkerdene. Azadîya Rayber Apoyî kilîtê azadîya Kurdistan,Tirîya û Rojakewtena Mîyanêne ya. Semedê rijnayîşê faşîzmî ganî her kes mewzîyanê mucadeleyê azadîye de ca bîgêro. ‘’