Dîwana Hemserekîya KONGRE-GELî bi mesajêkê nuştekîyî Roşanê Newroze fîraz kerd û nê pare kerdî:

''Roşanê Newroze yê Rayber Apoyî, şarê Kurdîstanî û ê Rojhelatê Mîyanênî, ê embazanê têkoşeran fîraz bibo. Newroze bi xoverdayîşê şehîdan bîye Newroza fîraze, bîye sembola xoverdayîşî û azadîya şarê Kurdîstanî. Ma bi wesîleya Newroze emser sere de Mazlûm Dogan, Sema, Zekîye, Rahşane, Ronahî, Bêrîvane û pêro şehîdanê Newroze bi rêzdarî yad kenê. Vîrusê Korona ra seba pawitişê weşîya şarê Kurdîstanî emser Newroze bi girseyan nêna fîrazkerdene. La ma zanenê ke germîya adirê Newroze zerrîya şarê ma de berz o. Coka goreyê şert û mercanê ewroyî, şarê ma bi hawayêkê viraştoxî ganî Newroze fîraz bikero û xo berzkerdişê têkoşînê emserî rê amade bikero. Ganî ma seba wedaritişê tecrîdê Îmraliyî, çinkerdişê faşîzmê dewleta tirke, caardişê azadîya Rayber Apoyî û Kurdîstanî emser pêro beşanê cuye de berzkerdişê têkoşînî xo rê esas bigêrê. Na çarçewa de ma venga şarê xo danê ke bi tewiranê cîyayan Newroza xo fîraz bikero.''