KONGRA-GELî  bi wesîleya serrgêra 44. ya ronayîşê PKKyî eşkerayîya nuştekîye daye. Eşkerayîye de şehîdî ameyî yadkerdene û nê ameyî parekerdene:

"PKK têkoşînê Rayber Apoyî yo û nika ma serrgêra ci ya 50. pîroz kenê. Verê têkoşînê Rayber Apoyî tarîxê Kurdîstanî rîyê  bêserkewtiş, binkewtiş,teslîmîyet, xîyanet, bêhêvîye û asîmîlasyonî ra tarî bi. Şar kurdîtîye ra remayêne. Têkoşînê Rayber Apoyî ra dima hinî şarê kudî na rewşe qebul nêkeno. Têkoşînê  Rayber Apoyî şarê kurdî tarîtî ra vet û fîna roşnayî. Pê PKKyî şarê kurdî xo rêxistin kerd. Coka rojbîyayîşê PKKyî rojbîyayîşê şarê kurdî yo. PKK partîya cinîyan a. Cinîyê kurdan pê Rayber APO û PKKyî heqîqetê xo qabul kerd. Şorişê cinîyan o ke Kurdîstan dest pêkerd Rojhilatê mîyanênî û heme dinya ra vila bi. Paradîgmaya Rayber Apoyî Şorişê Rojawanî de xo mojna. Serkêşîya cinîyan de şaranê cîya cîyayan pêro pîya cuyeyêka demokratîke û azade înşa kerd. Dewleta tirke ya faşîste badê binkewtişê DAÎşî û serkewtişê Şorişdê Rojawanî waşt pê têknîkî têkoşnê gerîlayan bişikno la gerîlayan bi konseptê neweyî planê dewleta tirke pûç vetî. Nika kenê ke pê çekanê kîmyewîyan û şerê leyminî têkoşonê gerîlayan bişikinê. La rixmê NATO û hetkarîya PDKyî rejîmo faşîst ser nêkewno.

Paradîgmaya Rayber Apoyî ya serkêşîya cinîyan de Rojhelatê Kurdîstan,Îran û Rojhelatê Mîyanênî û dinya de bi slogana jin, jîyan azadîye bi hêvî. Nika semedê azadîya şarê kurdî û demokrasîyê herême her wextî ra zfêr verê ma de firset est o. Coka ma vanê wextê azadîya Rayber Apoyî û şarê Kurdîstanî ya. Demê winayên de ganî şarê ma û dostê ma semedê azadîya Rayber Apoyî, rijnayîşê faşîzmê AKP-MHPyî û vera hêrişan kîmyewîyan û bêvengîya Ewropa têkoşînî xurtêr bikerê. No wezîfeyê ma yo verên o. Ma her wextî ra zafêr bibê seferber. Ma serra 50. ya Rayrber Apo û têkoşînê PKKyî bikerê serra azadîye  û demorsasîyî yê şaran. Na çarçewe de ma Rayber Apo, heme dosan, şarê kurdî rê serrgêra PKKyî pîroz kenê û serkewiş wazenê. "