Kongreya Pêroyî ya 47ine ya Baroyê Dîlokî vizêr salona konferansan a baroyî de ameye kerdene. Kongre de Şubeyê Dîlokî yê OHDyî ra avûkatan zî qisey kerd. Wexto ke avûkatanê OHDyî vera tecrîdê Îmraliyî nêrazîbîyayîşê xo mojna tay avûkatanê ke paştî dayêne lîsteya sûre û xo sey neteweperweran pênase kerdêne kerd ke hêrişê avûkatanê OHDyî bikerê.

Şubeyê Dîlokî yê OHDyî hesabê xo yê medyaya dîjîtale de eşkerayîye daye û vat: ''Tayê avûkatan wextê qiseykerdişê endamanê ma de xîret kerd ke hêirş bikerê û asteng bikerê. Heyetê Dîwanî zî nê hêriş de erkê xo ca nêard. Ma nê hêrişî şermezar kenê û ancî vanê ke vengê avûkatan vengê şarî yo. Ma do hertim vera faşîzmî vengê xo bikerê.

Abdullah Ocalanî 44 mengan ra nata keye, avûkat û wasîyê xo nêdîyo. Yew îzehetê tecrîdê Îmraliyî çin o. Ma ancî wazenê ke komelêko demokratîk, haştîyane wa bêro amadekerdene, huqûq wa bêro caardene û heqê bingeyî bêrê caardene.''