Konseya Dîndaran a Şingalî seba ke PDKyî bi nameyê êzidîyan meclîsêk akerdo eşkerayîye daye û nê vatî:

"PDK keno ke binê nameyê Meclîso Berz ê Êzidîyan de bireso hedefanê xo yê sîyasîyan. Meclîso ke dîndar, rayberê eşîran û şarê Şingalî tede cîn o, ma nas nêkenê. Wextêko derheqê êzidîyan de planî yenê kerdene û mîrê êzidîyan Hazim Tehsîn Begî paştî daye nê planî. Mîr herinda menfeatê şarê xo de goreyê menfeatê partîya sîyasîyî têgêreno.  Heme endamê meclîsî hetê PDKyî ra ameyî vîjnayene û eleqeya înan bi şarê Şingalî çîn a. Ma se dîndaranê Şingalî heme qerarê ke teberê îradeyê şarê Şingalî de yenê girewtene, înan qebul nêkenê, vera înan vejîyenê.''