Koordînasyonê Heskîfî derheqê Heskîfî yo ke tarîxê ci 12 hezar serre yo û binê awabendê İlisuyî de do bimano eşkerayîyêka çapemenîye daye.

Kombîyayîş bînaya Odaya Muhendîsanê Makîne ya TMMOByî ya Îstanbulî de ame kerdene. Wekîlê HDPyî Huda Kaya, Zuleyha Gulum û endama Meclîsê HDPyî Prof. Dr. Beyza Ustun, wekîlê CHPyî Sezgîn Tanrikulu beşdarê kombîyayîşî bîyî.

Nameyê Koordînasyonê Heskîfî ser o Beyza Ustun eşkerayîye wende. Eşkerayîye de bi sernameyê ''Seba Heskîfî û Gelîya Dîcle Vengdayîşo Peyên'' rewşa peyêne de zanayîşî ameyî dayene. Eşkerayîye de venga hunermendan, rêxistinanê komelkîyan ê sivîlan û rayaumûmîye ame dayene ke vera çinkerdişê Heskîfî têbigêrê.

Eşkerayîye de wina ame vatene: ''Awa awbendî bena berz û her çi dana xo verî. No awbend heta peynîya emrê xo do her çi çin bikero. Naye ra ma venga selahîyetdaran danê. Nika firsend esto ke na şaşîtîye ra bêro agêrayene. No projeyê rijnayîşî ganî cade bêro vindertene, berê awbendî bi kontrolî bêrê akerdene û gole bêra vengkerdene. Ganî Çemê Dîcle bi hawayêkê azadî biheriko, Heskîfo qedîm bêro pawitene.''