Amed de di kesê ke serrê înan 87 û 57 bîyî û Nêweşxaneyê Perwerde û Cigêrayîşî yê Gazî Yaşargîlî de ameyêne weşkerdene merdî. Ame zanayene ke testê di kesanê ke servîsê ciewnîyayîşê giranî de yenê weşkerdene pozîtîf vejîyaybî. Şaristan de heta nika vîrusê Korona ra 12 kesî merdî.

Qezaya Bismilî ya Amedî de çarçewa tedbîranê vera vîrusê Korona de cehdeyê Îstasyonî pê bira Heyetê Weşîye seba wesayîtanê bimotoran ame girewtene. Cehdeyê Îstasyonî de ke cehdeyo tewr sixletên ê Bismilî yo raywanî têna do bieşkê ''noqtayanê kontrolî yê raywanan'' ra derbaz bibê.

Taxa Îskenderpaşayî ya qezaya Sûrî ya Amedî de zî apartmana bi nameyê Nurî de testê vîrusê Korona yê di kesan pozîtîf vejîya û apartmane gêrîyaye binê karantîna. Bîna de xebata dezenfekte yena kerdene û dekewtiş û vejîyayîşê bîna bi kontrolî yenê kerdene.