Qezaya Nisêbînî ya Mêrdînî de Mehmet Emîn Kaplan (60) o ke Nêweşxaneyê Dewlete de pê nêweşîya vîrusê Korona kewtêne dinyaya xo bedilnaye. Keyeyê Kaplanî û merdimanê ci dima ke ekîpa taybete ameye Goristanê Hecace de cenazaya ey defin kerde. Endamê keyeyê Kaplanî zî gêrîyayî binê karantîna.

Heta nika Nisêbîn de 2 kesî, Qoser de 2 kesî, Mîdyat û Artûklu de zî kesêk/e bi temamî Mêrdîn de 6 kesî vîrusê Korona ra merdî.

Hetê bînî ra rîyê vîrusê Korona ra taxa Endewlî ya qezaya Dêrikî ya Mêrdinî û deweka Tepecîkî ya taxe gêrîyayî binê karantîna. Ame zanayene ke 200 kesê ke Îstanbul de xebitîyayêne janî ra dima agêrayî dewe û dewe de ramitoxê TIRî zî estê. Dewe û deweke de testê vîrusê Korona yê di kesan zî pozîtîf vejîyayî. Nê kesanê ke Qoser de nêweşxane de yenê weşkerdene ra berî 2 kesanê bînan de zî vîrus ame tesbîtkerdene.

Bi nê hawayî hûmara dewanê ke binê karantîna de yê, bîye 4. Verê cû zî qezayanê Dêrik, Qoser û Şemrexî yê Mêrdînî de 3 dewî gêrîyayî binê karantîna. Nê dewan de hema zî rewşa karantîna dewam kena û dekewtiş û vejîyayîşê dewan qedexe yê.