Her parçeyê Kurdîstanî ra gerîlayî dewa û bawerîya xo anê. Ê bire danê ke bibê şorişgêr, rayber û şerwanê şarî. Utopyaya înan a bêpeynîye zî yew a ke serrî yo ke dewam kena. Keye û halina înan koy ê. Dest erzenê çekan û qesas gênê. Kay kenê, werd virazenê û nobete gênê. Her yew/e deyîrêke û utopyayêke de xo vîneno/a. Yewbînan rê pêşnîyazê fîlman û kitaban kenê. Qala tarîxî kenê. Dewaya înan a fîraze esta. 

Gerîlayî qala estbîyayîşî û raştîya kurdan kenê. Sîstemê qirkerî, înkarî û îmhayî analîz kenê û qaşa raştîya PKKyî kenê. Dewaya xo ra fek vera nêdanê. Qala şeran, eşqî kenê. Pîya felsefe, huner û edebîyat ser o qisey kenê. Ma qala cuya bi hezaran gerîlayan kenê ke wazenê raştîya Rayberîye ser o şorê. Gerîlayê modernî yê ke rayîrê raştikênî de şinê bîyî Derweşê çaxê ma. Koyanê Kurdîstanî de hêlan kenê bêmerg û tarîx nusenê. Tayêk zî bo ma wazenê qala nê tarîxnuştoxan bikerê. Ma cuya nê çêran a ke ma şahîdê ci bîyî pê kamera û vîrî qeyd kenê. Ma pê naye qîm nêkenê û wazenê domanê nê erdê fîrazî zî pê na hîşmendîya tarîxîye weye bibê.