Qezaya Artemêtanî ya Wanî de Makbule Ozera 80 serre û mêrdeyê ci Hadî Ozero 79 serre 9ê gulane de ameybî tepiştene û 105 rojî yo zîndan de yê.

Lajê înan Medenî Ozerî ard ziwan ke vera dadî û babîyê ci neheqîye, bêedaletîye yena kerdene û no kerdiş qesasê dewlete yo. Ozerî vat: ''Kurdî xemê sîstemî de nîyê ha 70 serre yê ha 7 serre yê. Dadî û babîyê mi muhtac ê. Ê nêeşkenê zîndan de bimanê, wirdî zî nêweş ê. Eke ê hîna zaf zîndan de bimanê rewşa înan do biba xirabêr. Ma qerqilîyenê. Na babete de ma zaf xîret kerd ke partîyê sîyasî û dormeyî paştî bidê. La sîstem xo ker û kor keno.''

Ozerî pare kerd ke sîstem xîret keno ke pêro keye esîr bikero û vat: ''Hetê komelkî, sîyasî, ekonomîk û psîkolojîkî ra xîret keno ke ney bikero.''