Qezaya Licê ya Amedî bi rojan o hêrişê  leşkerî yê artêşa tirke dewam kenê. Netîceya îxbarî de cayê 2 gerîlayanê HPGyî ame tesbîtkerdene. Gerîlayan vengdayîşê teslîmbîyayîşî red kerd û şehîd bîyî.

Gerîlayanê ke şehîd bîyî îna ra cenazaya Doktor Dilşadî (Mehmet Suleymanoglu) hetê keyeyê ci ra ewro veraşan Tibê Edlîyî ra ameye girewtene. Leşkeranê tirke keye tehdît kerd ke têna yew wesayît wa cenaza bêro eke wina nêbo ê do cenaza medê.

Keyeyî cenazaya xo girwt û ver bi dewa Cirnoqî ya Hezroyî kewt rayîr. Dewe hema ke cenaza nêresaya ci hetê xeylêk polîs û leşkeran ra gerîyayî binê ablûqa. Goreyê xeberanê ke çimeyanê cayîyan ra ameyî girewtene dewa ke pê toma û panzeran dormeyê ci ameyo girewene de verê berê her keyeyî de leşkerî est ê. Kam/e ke nasnameyê ci sey dewijan nîyo destûr nêdîyeno bikewo dewe.