Qezaya Pîranî ya Amedî de operasyono leşkerî yo ke 10 hezîrane de ame destpêkerdene dewam keno. Licê de zî têgêrayîşo leşkerî es to.

Qezaya Pîranî ya Amedî 10ê hezîrane de bi tewrbîyayîşê qoricîyan operasyono leşkerî dîya destpêkerdene. Goreyê zanayîşanê ke çimeyanê cayîyan ra ame girewtene operasyon dewanê Pirejman, Heridan ve Şingirik Corî de dewam keno.

Çarçeweya operasyonî de dewê Pirejman, Heridan û Şingirik Corî bi xeylêk leşker, qoricî û wesayîtanê zirxian gerîyayî binê ablûqa. Dekewtiş û vejîyayîşê nê dewan ame qedexekerdene. Dîya zanayene ke leşkerê zextê dewijan kenê.

Hetê bînî ra qezaya Licê de zî têgêrayîşo leşkerî est o. Vizêr cayanê berzan ê dewanê Zengasor û Mizagî de pê helîkopteran leşkerî ameyî cakerdene. Derheqê operasyonî de zanayîşê hîra nêameyî girewtene.