Fermandarîya Qerargehê Merkezê Pawitişê Şarî bi wesîleya   21-28ê Adare Heteyê Qehremanîye eşkerayîyêke pare kerde.

Fermanarîye vat: ''Cuya azade semedê şaranê bindestan anoro tewr pîlo ke do bêro deskewtene.  Tarîxî ra nata heme şarê bindestanê ke azadîye fînaya deste xeyrê destananê girdan ê qehremanîye  resayê nê anorî. Qehremanî semedê pawitiş û azadîya şarê xo, xo vernî etşiş o. Şarê Kurdîstanî 21-28ê Adare sey Heteyê Qehremanîye pîroz keno.  Nê tarîxan de kadroyanê ma yê rayberan ra Kawayê Asinkarî yê Hemdemî Mazlûm Doganî  21ê Adare de çalakîya qehremanîya girde viraşte û fermandaro efsane yê gerîlayê Kurdîstanî Egîd (Mahsum Korkmaz)  şehîd kewt.

Nê di hemrayê ma yê ke sey qehremanê şarê kurdî tarîx de cayê xo girewt bi tewirê xo yê fedaî û erjê ke afernayî raştîya PKKyî vete werte. Hemrayê ma yê ke îdeolojîya Rayber Apoyî pratîk de bica arde şorişê Kurdîstanî kirişt rîyê roje û bîyî xeta qehremanîye. Hemra Mazlûm Doganî vera faşîzmê 12ê Êlule zîndan de hemverê teslîmîyetî de bi xeta xoverdayîşî. Hemra Egîd zî 15ê Tebaxa 1984î de Şemzînan-Dih de bi eştişê guleyê verenî xoverdayîşê zîndanî kirişt koyanê Kurdîstanî û tewirê şerê fedaîyî kerd werte. Têkoşînê gerîlayî ke  bi fermandar Egîdî dest pêkerd û aver şi ewro Zagrosan ra heta Serhadî, Botanî ra heta Dêrsimî çar leteyanê welatê ma de vila bîyo. Têkoşînê Azadîye yê Kurdîstanî ewro têna semedê kurdan nê semedê heme şaranê dinya ke vera faşîzmî têkoşîn kenê  bîyo ûmid.

Têkoşînê mayo ke 2020 de kewt merheleyêko tarîxî her wextî ra zafêr ruhê Egîdan rê hewcedarîya ci esta.  Ma xeta Rayber Apoyî de sey teqîpkerdoxanê fermandar Egîdî xoverdayîşî xurt kenê û sey tim ma do reyna serkwtişanê girdan bîfînê dest. Ma sey Gerîlayê Azadîye yê Kurdîstanî do çarçeweya projeyê xo newekerdişî de  xeta newe û modern ê gerîlayan aver bêrê û vîr û ruhê Egîdan rayraşîyayîşê serkewtişî de bidê ciwîyayene.''