Fermandaranê Yewînanê Xoverdayîşê Şingalî (YBŞ) ra Şêx Şemoyî ANFyî rê derheqê plananê PDK û hukmatê Iraqî yê seba Şingalî de qisey kerd.

Şemoyî vat: ''Ma Iraq û Şingal de hêzê fermî yê. Eke derheqê şarê ma de bire yena dayene ganî fikrê ma zî bêro perskerdene. Ma Bexdad zîyaret kerd û vat ke ma na peymane qet qebul nêkenê. Xeylêk terefan zî paştî daye ma. PKKyî Şingal destê DAÎŞî ra xelisna û şi. Ma pabesteyê PKKyî nîyê. Ma kêna û lajê şingalijan ê.

Eke ê biwazê Şingalî ser o planan bikerê ma do vera înan de vinderê. Ma Neteweyanê Yewbîyayeyan rê zî vat ke ma dûştê na peymane yê. Şarê Şinaglî wa pê kayanê Barzanî, Tirkîya  û Iraqî mexapîyo. Eke ê bi zorî na peymane ma rê ferz bikerê ma amade yê ke vera hew tewirê hêrişê sîyasî û leşkerî vinderê.''
Şemoyî peynîya qiseykerdişê xo de venga kêna û lajanê Şingalî da ke tewrê YBŞ û YJŞyî bbê û vera plananê seba Şingalî vinderê.''