Gerîlaya YJA-Starî Dîrene Sema bale ante girîngîya meydanê Heftanînî ser û pare kerd ke gerîlayî seba pawitişê erjanê kurdan şer kenê. Sema Dîren ANFyî rê qisey kerd.

Gerîla Dîrene Sema vat: ''Xoverdayîşê Heftanînî bi hawayêkê çetinî dewam keno.Ma seserra 21. de yê ke karakterê nê seserre yê şerî teknîk o. La gerîlayî teknîkê dişmenî pûç kenê û alternatîfan afernenê. Mîsalê ney zî xoverdayîş û şerê Pîrbûla yo. Xoverdayîşê Pîrbûla xoverdayîş de cayê ci girîng o.

Şerwanê Rayber Apoyî Heftanîn de bi taybetmendî û kesayetê xo yê fedayî xoverdayîş anê ca. Senî ke Partîya ma de embaz Haqî, Kemal û Sara tewirêk eşkera kerd ewro Heftanîn de zî şehîdan cuya winasêne awan kerde. Heftanîn de her fîşek bi hêrsê qesasî erzîyeno. Ma seba azadîye bermenê û huyenê. Ma ê domanê ke seba ke bi hawayêkê azadî bihuyê şer kenê.

Her embazê/a ma bi hawayêkê fedayî tewrê Cengê Heftanînî beno/a. No cesaret dişmen menf keno. Heftanîn warêko girîng ê Başûrê Kurdîstanî yo. Neyarê kurdî wazenê bi nê operasyonî nasnameyê kurdan çin bikerê. La gerîlayî seba erjanê şarî şer kenê.  Ma şarê Başûrî rê selam kenê. Ma zananê ke ê pê ma bawer ê û ma zî pê şarê Başûrî bawer ê. Şarê Başûrî do rayîr nêdê îşxalî.''