Gerîlayê HPG’yî Zekî Şengalî ke cimatê Êzidîyan ra yo, nameyê Mam Zekî Şengalîyî dayo xo. Zekî Şengalîyî qalê mucadeleyê xo kerd.

Şengalîyî vat, “Mi dimayê fermanî ra PKK nas kerd. Xeylî reyan hemverê Êzidîyan de qirkerdişî ameyê kerdene. Wextêkê dimayê tewrbîyayîşê mi ra Mam Zekî şehîd bi. Bi şehadetê ê mi nameyê ê da xo. Embaz Zekîyî heme domanê Şengalî sey domanê xo dîyêne.

Senî ke destê pîyî domananê ci ra nêbeno, embaz Zekî zî nêeşkayêne ca verdo. Keda ke Mam Zekî daya ma, projeye êyê seba cimatê Êzidîyan, seba şaranê Kurdistanî amade kerdêne, heme seba yewîya cimatê Kurdistanî bî.

Mam Zekî seba ma xeylî xebetîya, xeylî kede daye. Ma sond wendo ke ma do qesasê Mam Zekî bigêrê. Embaz Zekîyî wextê fermanî de serdana şarî kerdêne û moral dayêne şarî. Şar pê bawer bi. Cuye û şexsîyetê embaz Zekîyî ten abi çend çekuyan nêna qalkerdene. Ganî ma rayîrê ê ser o rayra şirê û amacanê ê bica bîyarê.”

Gerîlayê HPG’yî Zekî Şengalîyî dewamê qiseykerdişê xo de vat o bi vejîyayîşê serê koyanê Kurdistanî wazeno ke felsefe û îdeolojîya Rayberê Şarê Kurdî Abdullah Ocalanî xo hîna aver bero û vat, “Amacê ameyîşê min ê serê koyan o yo ke ten abi vatiş nê, pratîk de zî qesas bigêrî. Tena seba cimatê Êzidîyan nê, ma do seba hemeyê şarê Kurdistanî şer bikerê. Çunke felsefeya Rayberîye de cîyakarîye çina.

Mi dî ke koyê azadî cayê rastekênî yê mucadeleyî yê. Ez do xo koyanê azadan de her babete de aver berî, ke nê koyan de seba merdim bieşko xo aver bero bi seyan, bi hezaran çîî estê. Hemrayîye, tewrirê embazan ê tîyayî her cayî ra cîyayêr o. Hemrayîye serê manewîyatêkê xorîyî ra awan bîya.”

Gerîlayê HPG’yî Zekî Şengalîyî ard ziwan ke amacê ê pawitişê şarê xo yo û vat ê do hêrişan ra vajê ‘Êdî bes o’ û hemverê hêrişan de vejîyê