Gerîlayanê HPG û YJA-Starî xoverdayîşê gerîlayan ê Zapî ANFyî rê ercna.

Gerîlayê HPGyî Welad Mîdyadî ard ziwan ke dewleta tirke her ca de hêrişê kurdan kena û bi taybetî hêrişê vera gerîlayan û tepişteyan zêdînayî.  Mîdyadî vat: ''Ma bi taktîkanê tîmanê hereketînan vera dewleta tirke şer kenê.Senî ke dewleta tirke par bin kewte emser zî do bin bikewa. Dewleta tirke rixmo ke çeka kîmyewîye şuxilnena, pê gerîlayan nêeşkena. Ma do heta peynî şarê xo bipawê. Bi felsefeya Rayber Apoyî û paştdayîşê şarê xo ma do vera dişmenî vinderê. Ganî şarê ma paştî bido ma û ma pîya dişmenî çin bikerê.''

Gerîlaya YJA-Starî Arjîne Gabar pare kerd ke Şerê Dinya yo 3. Kurdîstan de qewimîyeno û vat: ''Her cayê Kurdîstanî de şerêko giran qewimîyeno û domanê Kurdîstanî bi ruhêkê fedayî xo ver danê.   Şero tewr giran zî Herêmanê Pawitişî yê Medya de qewimîyeno. Dewleta tirke vera embazanê ma çeka kîmyewîye xebitnena. La embazê ma bêeman têkoşîn kenê. Ma soz da şarê xo ke erdê xo do bipawê. Gerîlayê YJA-Starî zî her ca de vera dişmenî çalakîyanê pîlan kenê û serkêşîya nê têkoşînî kenê. Ganî ciwanê kurdî verê xo bidê koyan û vera dişmenî şer bikerê. Şarê ma û dostê kurdan ganî gerîlayan de bibê yew û Şerê Şarî yê Şorişgêrî ser bivisnê.''

Gerîlayê HPGyî Kazim Sêrtî îfade kerd ke e prosesêkê tarîxîyî de yê û vat: ''Bi taybetî 2015î ra nata şerêko giran qewimîyeno. Dişmen pêro îmkananê xo seba nê şerî şuxilneno. Ça de kurdî est bê dişmen hêrişê uca keno.  Nika dewleta îşxalkere verê xoverdayîşê embazanê ma de bêçare menda. Embazê ma vera dişmenî destanan nusenê. Ma do îradeyê dişmenî bişiknê û Kurdîstanî azad bikerê. Wa dişmen bizano ke gerîlayî do qetî teslîm nêbê. Ganî nê prosesî de şarê ma û gerîlayî pîya rolê xo bîyarê ca.''