Fermandarîya Qerargehê Merkezê Pawitişî yê Şarî bi eşkerayîyêk da pêhesnayene ke gerîlayo bi nameyê Abdullah Temel (Xemgîn Setkar) 26’ê Gulane de hêrişê hewayî yê vera Metîna de şehîd bîyo.
Eşkerayîye de ca dîya nînan: ‘’Embazê ma Abdullah Temel (Xemgîn Setkar) dewa Setkarî ya qezaya Elkê ya Şirnexî ra yo. Embazê ma Xemgîno ke eşîra Gravî yo welatperwer ra yo keyeyê ci hemleya 15’ê Tebaxe ra nata mîyanê mucadeleyî de wayîrê keda pîle yo. Embaz Xemgîno ke xeylî wext zîndanan de mend, îşkenceyan ra ravêrt la çirey milê xo vere zextê dişmenî de çewt nêkerd û 9 serrî yo ke mucadeleyê xo koyanê Kurdistanî de dano domnayene. Xemgîno ke herêmanê Metîna û Haftanîn de fermandarîya tekîlîya şarî bi serkewtişî arde ca hetê şarê herême ra zaf ameyêne heskerdene. Ma sere de merdimanê embaz Xemgînî heme şarê Kurdistanî rê serweşîye wazenê û soz danê ke do dişmenî ra hesab bêro persayene. Ma veng danê şarê Botan û Behdînan ke wa xeta welatperwerîye ya embaz Xemgînî de xoverdayîş gird bikerê û vera dewleta Tirkî ya îşxalkare û hemkaranê ci de mucadele bikerê’’
Nameyê Qodî: Xemgîn Setkar
Name Peyname: Abdullah Temel
Cayê Biyayîşî: Şirnex
Maye-Pî: Hedîye - Îsmaîl
Tarîx û Cayê Şehadetî: 26’ê Gulane 2019 / Metîna