Fermandaranê Qerargehê Merkezê Pawitişê Şarî (MPŞ) ra Amed Malazgîrtî bêtelî ra xitabê gerîlayan kerd ke Zap û Avaşîn de vera hêrişê îşxalî têkoşîn kenê. Malazgîrtî ke rewşa peyêne ya şerî ercna û derheqê têkoşînê gerîlayanê HPG û YJA Starî de nê vatî:​ ​

''Dewleta tirke wazena ke herra Başûrê Kurdîstanî bitaybetî zî Herêmanê Pawitişî yê Medya îşxal bikero. Werxelê ra heta Şehîd Çîyayî, Cilo Biçukî, Şikefta Birîndara ra heta Çîyayê Reşî, Kurojahroyî ra heta Çemço-Sîda hêrişê hewayîyê giranî ameyî kerdene. 17ê nîsane de pê paştdayîşê teyerayanê şerî waşt tîya leşkeranê xo pê helîkopteran ca bikerê la embazan raşta zî bi ruhê PKKyî cewabêko xurt da îşxlakeran.

Werxelê de têkoşîno xurt ame dayene û hema şero giran dewam keno. Şehîd Şahînî de seba ke leşkerî merê cakerdene embazan şewe-roje çîyo ke destê înan ra ame kerd. Eynî wextî de pawitişê warê Çemço, Werxelê û Şehîd Şahînî de rolo pîl kay kerd. Xeyrê nê xoverdayîşî dişmen cayanê ke plan kerdbi ke tede leşkeranê xo ca bikero nêeşka înan tîya rono. Reyna Şikefta Birîndara û Karker de zî embazanê destûr nêda dişman leşkeranê xo tîya ca bikero.

Embazî bi çalakîyanê bitesîran derbanê giranan danê dişmenî ro.Kurojahro de bi metodanê cîya cîyayan xeylêk çalakîyê bitesîrî ameyî kerdene. Xeta Şehîd Şemdîn û Şehîd Harûnî de çalakîyê xurtî ameyî kerdene. Serpilikanê Kurojaroyî de embazî binê bombardumanê giranî de hema têkoşînê xurtî kenê. Embazî tîya şewe-roje sey grûbanê wurdîyan vera dişmenî çalakîyan bitesîran kenê. Çalakîyê serkewteyî yenê kerdene.

Reyna mintiqaya Cehenenî yê Çîyayê Reşî de rixmê heme îmkananê dişmenî embazan destûr nêda ê hewa ra leşkeranê xo tîya ca bikerê. Hema tîya têkoşîno pîl yeno kerdene. Bitaybetî qilê Rûbarî de derbeya pîle dîyaye dişmenî ro. Yewina embazanê ke çekanê giranan şuxulenê çalakîyê serkewteyî kerdî. Çalakîyê Kevirêkunî yê Şikefta Birîndara zî serkewte bî. Embazê ke yewina çekanê giranan de yê ma înan pîroz kenê û serkewtiş wazenê. Embazî bi hewayêkê fedakarî şinê dişmenî ser. Sozê ke zimistan de dayê anê ca. Heme embazê ke nê têkoşîn de ca genê ma înan selam kenê û dewamê serkewtişî wazenê. Heme embazanê ke derbeyê pîlî dayî dişmenî ro ez lew nana çareyê înan a û înan rê serkewtiş wazena.''