Komeleya Kultur û Yewîye ya Paştdayîşê bi Keyeyanê ke Dergûşê Medenîyetan de Merdimê Xo Vîn Kerdî (MEBYA-DER) seba ke bale bianca tecrîdê vera Rayberê Şarê Kurdî Abdullah Ocalanî ser o bînaya xo ya Amedî de eşkerayîyêka çapemenîye kerde. Hemserekê MEBYA-DERî Şeyhmus Karadagî eşkerayîye wende.

Karadagî vat: "Bi qetilkerdişê hîrê cinîyanê sîyasetmedaran ê Parisî ameyêne waştene ke tecrîd û komplo biresnê asta tewr berze. No qirkerdiş seba muneqeşayanê projeyanê çareserîye yê Rayber Ocalanî ame kerdene. Rayber Apoyî no qirkerdiş sey 'Terteleyê Dêrsimî yê diyînî' pênas kerd û seba şarê kurdî Xoserîya Demokratîke û Konfederalîzmê Rojhelatê Mîyanênî pêşnîyaz kerd û bi nê hawayî hetê fikrî ra tecrîd şikna.

Tecrîd huqûqî nîyo. Wexto ke tecrîdê vera Ocalanî yeno wedaritene rayîrê çareserîye û aramîye yeno akerdene, fikrî yenê muneqeşakerdene. No zî mojneno ke tecrîd şer û hêsirê çiman o. Dîyalog zî cuya rûmetêne û haştîye yo. Ma wazenê ke cade tecrîdê vera Ocalanî bêro wedaritene."