Gerîlayê HPGyî Huseyîn Acar (Dilşêr Herekol) koyê Amanosî yê qezaya Dortyolî yê Hatayî de 18ê teşrîna verêne ya 2020î de hêrişêkê hewayî de şehîd bibi.

Meclîsê Xoserîya Demokratîke ya Şingalî (MXDŞ) pê eşkerayîyêke Dilşêr Herekol yad kerd.  MXDŞyî eşkerayîya xo de vist vîrî ke Herekolî 2014 de vera hêrişanê DAÎŞî Şingal pawitbi.

MXDŞyî ard ziwan ke Şehîd Dilşêr pa 12 suwarîyanê xo seba Şingalî wezîfeyêko tarîxî ard ca.

MXDŞyî vat: ''Şehîd Dilşêr Herekol keso yewîn bi ke dest pê perwerdekerişê êzidîyan kerd û sayê înan de YBŞ û YJŞ ameyî ronayene. Şingal destê cergan ra ame xelisnayene û nika zî pêl bi pêl Şingal agêreno cuya azade. Ma do sey şingalîjan do qet nêverdê ke destkewteyanê ma yê ke ma sayê gerîlayan û Fermandar Herekolî de vistî destî bêrê çinkerdene. Ma soz danê ke ma do wayîrê hewn û xeyalê şehîdan vejîyê. Ma do heta peynî seba Şingalî têkoşîn bikerê.''