Meclîsê Xoserîya Demokratîke ya Şingalî vera hêrişê serê Şingalî nêrazîbîyayîşê xo mojna û ard ziwan ke no hêriş operasyono hempar ê MÎT û PDKyî bi. Meclîsî venga her kesî da ke ewro vera hêrişî tewrê rayraşîyayîşî bibo.
Meclîsê Xoserîya Demokratîke ya Şingalî (MXDŞ) derheqê hêrişê vizêrînî yê dewleta tirke yê vera Şingalî de vizêr şewe eşkerayîyêke daye.
Eşkerayîye de wina ame vatene: ''Ma vînenê ke vera Şingalî planê rijnayîşî yê pîlî est ê. No operasyono hempar ê MÎT û PDKyî yo. Ê wazenê pê nê hêrişan şar anêgêro Şingalî û îradeyê şarî yo azad aver nêşoro. Nê rojan de vera Şingalî xeylêk hêrişî qewimîyayî û hukmatê Iraqî hema zî bêveng o. Ewro (vizêr) saete 18.00 de vera wesayîtêkê sivîlî hêriş ame kerdene. Netîceya nê hêrişî de ciwanê bi nameyê Mihsin Şemo Hîto şehîd bi, yew cinîye zî birîndar bîye.
No planêko tehlukeyîn o û vera pêro êzidîyan o. Ma venga şarê xo danê ke nê esasî ser o wurzo payan ser û bêveng nêmano. Coka ma venga şarê xo danê ke siba (ewro) tewrê rayraşîyayîşî bibo.''
