Meclîsê Xoserîya Demokratîkî ya Şingalî (MXDŞ) bi mesajêkî Roşanê Êzîyî fîraz kerd û waşt ke bi wesîleya nê roşanî şingalijî wa abigêrê erdê xo.

Mesaj de ame vatene ke dişmenê êzidîyan bi se serran o seba ke kokê înan wişk bikerê tim qirkerdişan kenê, êzidîyan kulturê înan ra dûrî bivisnê. Mesaj wina dewam keno: ''Coka êzidîyî verê xo danê Ewropa û welatanê bînan. Dişmenî vera komelê ma şerê taybetî kenê û wina mojnenê ke erdê ma asayî nîyo. La rixmê hende hêrişan zî ewro Şingal de bi hezaran êzidîyî nê rojan bi coşêkê pîlî pêşwazî kenê.

Ma wazenê ke nê rojê fîrazî bibê wesîleya yewî û hemparîya şarê ma û bikerê ke şarê Şingalî abigêro erdê xo. Hînî wextê ci ameyo ke şarê ma xeyman û welatanê bînan ra abigêro serê erdê xo.''